2026-жылдын 24-августунда өнөр жай чөйрөсүндө шайкештик сертификаттарын тариздөө жана техникалык регламенттердин талаптарына шайкештик жөнүндө декларацияларды каттоо үчүн cert.trade.kg жаңы мамлекеттик маалыматтык тутуму ишке киргизилди.

Тутум Кыргыз Республикасынын Министрлер Кабинетине караштуу Мамлекеттик бажы кызматынын алдындагы «Тышкы соода чөйрөсүндөгү «Бирдиктүү терезе» борбору» МИ тарабынан иштелип чыккан.

Жаңы тутум жол-жобонун катышуучуларынын электрондук өз ара аракеттенүүсүн камсыздайт жана төмөнкүлөргө мүмкүндүк берет:

• арыздарды жана зарыл документтерди электрондук тутумда тариздөөгө;

• документтерди тапшырууга жана арыздын макамы жөнүндө маалымат алууга;

• документтин номерин автоматтык түрдө түзүүгө;

• документтин макамын текшерүү үчүн QR-кодду колдонууга;

• көзөмөлдөөчү органдардын тутумга жүктөлгөн документтерге жеткиликтүүлүгүн камсыздоого.

Тутумга сертификациялоо органдары, декларацияларды каттоо органдары жана арыз ээлери катышат. Тутум жол-жобонун тиешелүү этаптарынын электрондук түрдө ырааттуу өтүшүн камсыздайт.

Арыз ээлери үчүн бул документтер менен иштөөнүн ачык-айкын жана көзөмөлдөнүүчү процессине өтүүнү, кагаз түрүндөгү документ жүгүртүүнү кыскартууну жана ыйгарым укуктуу органдар менен өз ара аракеттенүүнүн ыңгайлуулугун жогорулатууну билдирет.

Маанилүү: жаңы тутум ЕАЭБдин (ББ) техникалык регламенттеринин талаптары боюнча документтерге карата колдонулат. Кыргыз Республикасынын техникалык регламенттери (КР ТР) боюнча документтер үчүн иш тартиби азырынча өзгөрбөйт — тариздөө мурдагы тутумда улантылат.

Тышкы экономикалык ишмердүүлүктүн катышуучуларына тиешелүү документтерди тариздөөдө бул маалыматты эске алуу сунушталат.